constantiakruin gemeente
Gereelde Vrae
Ons kry gereeld oproepe wat die volgende vrae vra. Vir jou gerief is van hierdie vrae hieronder geplaas. Vir enige ander navrae kontak ons op 011 475 1440 of info@constantiakruin.co.za
ALGEMENE VRAE
Wanneer is julle eredienste?
Ons hou elke Sondag eredienste om 08:15 en 10:00 in die Kerkgebou. Skoolvakansies is daar slegs een erediens om 08:15.
Wat is die proses om deel te word van Constantiakruin Gemeente se familie?
Stap 1: Laai die Nuwe Lidmaatvorm hier af of kontak die kerkkantoor op 011 475 1440 of info@constantiakruin.co.za
Stap 2: Stuur die vorm terug na die kerkkantoor
Stap 3: Die kerkkantoor sal ontvangs van lidmaatskap bevestig.
Is ek verantwoordelik om my eie lidmaatskap van my vorige gemeente te kry?
Die kerkkantoor vra die attestate/lidmaatskap aan.
Moet ek Belydenis van geloof afgelê het, voor ek deel word van julle gemeente?
Julle kan enige tyd belydenis by Constantiakruin aflê en dan word julle lidmate.
Hoe kan ek my dankoffer gee?
Sou jy graag 'n bydrae wou maak kan jy dit deur middel van die volgende maniere doen.
- Dankofferkoeverte wat by die kerk ingehandig word. Dankofferkoeverte is beskikbaar in die portale. Plaas koeverte met dankoffer in offergawekis asseblief.
- Debietorder: ‘n Magtigingsvorm kan by die kerkkantoor ingevul word.
- Persoonlike inbetalings by jou bank op ons tjekrekening.
- Elektroniese oorbetalings.
- SnapScan
- Jy kan ook jou dankoffer ook op die Webtuiste doen deur veilige Payfast poort - kliek hier.
BANKBESONDERHEDE
Tjekrekening
ABSA Florida Tak
Rek Nr. 1063330384
Swift Kode: ABSAZAJJ
TIENDEMAAND DANKOFFER
Die gemeente doen jaarliks baie moeite om tydens Oktobermaand ‘n Spesiale Tiendemaand Dankoffer van stapel te stuur. Hierdie offer vorm omtrent 18% van ons totale begroting.
Wat gebeur as ek as baba ingeseën is en Volwasse kategese wil aflê?
Julle sal gedoop word tydens belydenisaflegging.
Hoe ontvang ek 'n leraarsbesoek?
Kontak asb. die Kerkkantoor 011 475 1440 of info@constantiakruin.co.za
Mag 'n leraar by my huis Nagmaal bedien as ek 'n behoefte het?
Kontak asb. die Kerkkantoor 011 475 1440 of info@constantiakruin.co.za
Is die berading van die gemeente gratis?
Wanneer julle ‘n afspraak met een van die leraars het, is die sessie gratis. Van die beraders van die gemeente vrae ‘n R250 fooi per uur-sessie. Dis elke berader se besluit of daar koste is aldan nie.
Hoe skakel ek/ons in by 'n kleingroep?
Kontak die kerkkantoor op 011 475 1440 of info@constantiakruin.co.za
Hoe raak ons betrokke by een van die bedieninge?
Kontak die kerkkantoor op 011 475 1440 of info@constantiakruin.co.za
Hoe word gebed hanteer as ek 'n versoek het vir so iets?
Kontak die kerkkantoor op 011 475 1440 of stuur epos na gebed@constantiakruin.co.za
Hoe oud moet ek wees voor ek betrokke kan raak by Kruinjare?
Mense wat reeds afgetree het vorm die grootste groep, maar enige ander persoon wat graag saam wou kuier. Hierdie seniorbediening is vir persone van 55 jaar en ouer.
Wanneer kan ek Hulp en Hoop donasies bring?
Die Hulp en Hoop stoor is oop elke Maandag vanaf 09:00 tot 12:00, alternatiewelik kan die donasies enige tyd tydens kantoorure gebring word. Sekuriteit het ‘n register waarin hy dit skryf en dit gaan dan dadelik stoor toe.
Mag ek uit die Mediese Stoor toerusting leen?
Die mediese stoor is ‘n gratis diens vir elke lidmaat. Daar word gevra dat die toerusting teruggebring word, sodra dit nie meer benodig word nie.
Hoe kan ek registreer vir 'n maandelikse kospakkie?
Kontak asb. die Kerkkantoor op 011 475 1440 of info@constantiakruin.co.za
VRAE OOR DOOP
Wanneer doop ons?
Doop Sondae is op die kerkkalender aangedui en is gewoonlik die eerste Sondag van die maand. Die doopdiens is gewoonlik die 10:00 diens op die betrokke Sondag.
Hoe word daar besluit op 'n leraar?
Die leraar wat daardie Sondag preek, behartig ook die doop. Preke word volgens ‘n preekrooster ingedeel.
Hoe werk doopkategese?
Doopkategese help ouers om te verstaan hoe belangrik die doop is en wat dit vir ons beteken. Doopkategese vind oor drie Maandae, in die aande plaas. Registreer asb vir doopkategese by die kerkkantoor.
As ons 'n tweede kind gehad het, moet ons weer die doopkategese bywoon?
Doopkategese word vir elke kind bygewoon asb.
Wat gebeur as een van die ouers in 'n ander gemeente is?
Constantiakruin het toestemming van die betrokke Gemeente nodig, voordat ons doop.
Wanneer is die leraars bereid om die volwasse doop of doopviering te doen?
Kontak ‘n leraar asseblief om meer informasie te kry.
Seën die leraars ook babas in, sou ons nie wou doop nie?
Nee, ons doop kinders van gelowiges tot op ouderdom sewe jaar.
Hoe werk die doopregistrasie proses?
Stap 1: Laai die doopregistrasievorm hier af of kontak die kerkkantoor op 011 475 1440 of info@constantiakruin.co.za
Stap 2: Stuur asb. die vorm en al die nodige dokumente terug aan die kerkkantoor ten minste 2 weke voor die gekose doopdatum.
VRAE OOR NISSIES
Wie mag nissies koop?
CK -Lidmate kry eerste voorkeur, die leraars hersien elke nie-lidmaat se versoek op meriete. Stuur asb. jou versoek per epos na die kerkkantoor info@constantiakruin.co.za
Wanneer kan ons by die Gedenktuin inkom?
Die Gedenktuin is oop Maandae tot Vrydae van 08:00 tot 16:00 en Sondae van 07:00 tot 18:00
Mag ons gereeld vars blomme neersit?
Graag. So gereeld soos nodig.
Mag ons ekstra detail op die steentjies sit?
Kontak die kerkkantoor 011 475 1440 of info@constantiakruin.co.za
Wat is die stappe om 'n nissie te koop?
Stap 1: Laai die gedenktuinooreenkoms hier af of kontak die kerkkantoor op 011 475 1440 of info@constantiakruin.co.za
Stap 2: Stuur die kontrak terug aan die kerkkantoor.
Stap 3: Kies ‘n oop nissie wat jy graag sal wil koop.
Stap 4: Besluit op bewoording vir die gravering van die nissie.
Stap 5: Stuur die bewoording aan die kerkkantoor.
Stap 6: Die kerkkantoor sal met jou bevestig wanneer die gravering gereed is en die steen in die gedenktuin geplaas is.
VRAE OOR TROOSDIENSTE
Mag nie-lidmate troosdienste in die Kapel en Kerk hou?
Beslis. Kontak die kerkkantoor 011 475 1440 of info@constantiakruin.co.za vir besprekings en regulasies rondom so ‘n geleentheid.
Mag ander leraars of pastore die diens lei?
Gerus. Kontak die kerkkantoor 011 475 1440 of info@constantiakruin.co.za vir besprekings en regulasies rondom so ‘n geleentheid.
Mag ons eet en kuier na die tyd?
Julle is welkom. Die eet en kuier word in die saal of koffiekan gehou na die diens.
Tref spesifiek hierdie reëling met die kerkkantoor.
Wat is die Troosdiens proses?
Stap 1: Laai die troosdiens vorm hier af of kontak die kerkkantoor op 011 475 1440 of info@constantiakruin.co.za
Stap 2: Stuur die voltooide vorm terug aan die kerkkantoor.
Stap 3: Die kerkkantoor sal jou kontak om ‘n afspraak te reël.
Stap 4: Tydens die afspraak word die troosdiens bespreek, ‘n datum gefinaliseer, asook die tyd en leraar bevestig.
Stap 5: Die leraar sal jou kontak om die verloop van die diens te bespreek.
Stap 6: Die tegniese beampte sal met jou kontak om die multimedia behoeftes te bevestig en uit te klaar.
Stap 7: Die gasvryheidspan sal met jou kontak maak om die onthaal te bevestig.
VRAE OOR HUWELIKSREGISTRASIES
Is die leraar van my keuse beskikbaar?
Na die nodige registrasie dokumentasie ingevul is, sal daar bevestig word of die leraar beskikbaar is.
Trou die leraars mense op ander plekke?
Leraars bevestig self of huwelike op ander plekke hulle pas.
Moet ons Huwelikskategese bywoon as dit my tweede huwelik is?
Alle huwelike moet die huwelikskategese bywoon. As daar onsekerheid is, kontak asb die betrokke leraar.
Waar kry ek my amptelike huweliksertifikaat?
By Binnelandse sake , maar die leraar reik ‘n tydelike geldige sertifikaat tydens die troue uit. Hy sal verdere inligting verskaf.
'n Leraar het my 'n hele klompie jare terug getrou, kan hy vir my 'n afskrif gee?
Slegs Binnelandse sake kan jou van ‘n afskrif voorsien. Praat met die betrokke leraar en hoor hoe hy kan help.
Wat is die proses om die huwelik te registreer?
Stap 1: Laai die huweliksregistrasie dokument hier af of kontak die kerkkantoor op 011 475 1440 of info@constantiakruin.co.za
Stap 2: Stuur die Huwelikregistrasie en die nodige dokumente na die kerkkantoor.
Stap 3: Die kerkkantoor sal met jou bevestig of die leraar beskikbaar is.
Stap 4: Woon die huwelikskategese by. Hierdie klasse word een keer ‘n kwartaal aangebied. Die kategese moet verkieslik voor die datum van die seremonie afgehandel word. Die datums is op die kalender beskikbaar.
Stap 5: Die leraar sal ‘n afsonderlike afspraak reël om die seremonie te bespreek.
Stap 6: Die kerkkantoor sal julle kontak, sodra die leraar die huwelik geregistreer het en julle die afskrifte by die kantoor kan kom afhaal.
Stap 7: Met die afskrifte kan julle aansoek doen vir julle amptelike huweliksertifikaat.
VRAE OOR VERHURINGSFASILITEITE
Wie mag die geboue huur?
Enige persoon kan geboue huur. Die reëls en regulasies sal met jou bespreek word.
Is daar sekere funksies wat nie by die kerk gehou mag word nie?
Enige funksies wat nie by die etos en die morele waardes van die gemeente inpas, mag gehou word nie.
Mag ons 'n kontantkroeg hê?
Dit is teen Constantiakruin se reëls en regulasies.
Wat is die verhuringsproses?
Stap 1: Laai die Verhuringsvorm hier af of kontak die kerkkantoor op 011 475 1440 of info@constantiakruin.co.za
Stap 2: Stuur die verhuringsvorm aan die kerkkantoor.
Stap 3: Kerkkantoor sal bevestig of die dag en lokale beskikbaar is
Stap 4: Tegniese persoon sal die multimedia behoeftes met die huurder bevestig